Tez-tez verilən suallar

Seanslar haqqında tez-tez verilən suallar

Seans zamanı nə baş verir? Mən nə etməliyəm?

Seans zamanı siz tam rahat bir vəziyyətdə olursunuz. Bəzi metodlarda (məsələn, regresiya və ya theta healing) sizə suallar verirəm, siz cavablayırsınız və birlikdə dərin qatlara enirik. Sizdən yalnız özünüzə açıq olmaq və niyyətlə iştirak etmək tələb olunur. Seans zamanı heç bir hipnoz və ya şüur itirmə halı baş vermir.

Seanslar nə qədər vaxt aparır?

Hər seans təxminən 60–90 dəqiqə davam edir. Seansın növündən və şəxsi ehtiyaclardan asılı olaraq bu müddət dəyişə bilər.

Nəticə üçün neçə seans keçmək lazımdır?

Bu, problemin dərinliyindən və məqsəddən asılıdır. Bəzən 1-2 seans kifayət edir, bəzən isə daha uzunmüddətli dəstək lazım ola bilər. İlk seansdan sonra sizə uyğun plan təqdim olunur.

Mənə hansı seans uyğundur? Necə seçim?

Bu, sizin yaşadığınız vəziyyətə və ehtiyacınıza görə dəyişir. Əgər keçmiş travmalar, uşaqlıqdan gələn qorxular və ya təkrarlanan vəziyyətlər yaşayırsa, Regresiya və ya JAAS daha uyğun ola bilər. Daxili inanc sisteminizi dəyişmək istəyirsinizsə, Theta Healing, enerji balansı və rahatlıq üçün isə Reiki və Mələk Reikisi faydalıdır. Həyat yolunuzu, ruhsal dərslərinizi və potensialınızı anlamaq üçün isə Numerologiya analizi seçilə bilər.

Seanslar uzaqdan, yəni onlayn da effektlidir?

Bəli, bütün seanslar onlayn olaraq da tam effektiv şəkildə aparılır. Enerji və şüuraltı ilə işləyən metodlar zaman və məkanla məhdudlaşmır. Zoom, WhatsApp və ya digər platformalarla rahat şəkildə seansa qoşulmaq mümkündür.

Seanslardan sonra hansı dəyişikliklər baş verir?

Çox hallarda insanlar daha sakit, yüngül, aydın və rahat hiss edirlər. Keçmişin ağırlıqlarını buraxdıqları üçün həyatlarında daha çox aydınlıq və dəyişiklik baş verir. Bəzi proseslər dərhal hiss olunur, bəziləri isə zamanla təzahür edir.

Seanslar dini baxımdan uyğun gəlirmi?

Seanslar ruhsal və enerjisel əsaslara dayanır, heç bir dini inancı əvəz etmir və heç bir dinə zidd deyil. Hər kəsin öz inancı ilə uyumlu şəkildə tətbiq olunur.

Seans zamanı ağlamaq və ya emosional reaksiya vermək normaldırmı?

Bəli, tamamilə normaldır. Seans zamanı dərin duyğular üzə çıxa bilər və bu, şəfa prosesinin təbii bir hissəsidir. Göz yaşları, həyəcan və digər emosiyalar daxili blokajların azad olunmasına işarədir. Bu reaksiya sizi zəif yox, əksinə, daha güclü və açıq hala gətirir.

Mənim inanclarım fərqlidir, bu seanslar mənə təsir edərmi?

Seanslar heç bir dini və ya inancla ziddiyyət təşkil etmir. Enerji və şüuraltı ilə işləyən universal texnikalardır. Sadəcə açıq fikirli olmaq kifayətdir.

Mənimlə bağlı bildikləriniz gizli qalacaqmı?

Bəli. Seans zamanı danışılan bütün məlumatlar tam məxfi saxlanılır. Etik qaydalara uyğun olaraq sizin şəxsi məlumatlarınız və təcrübəniz heç bir halda paylaşılmır.

Hamilə qadınlar və ya yeniyetmələr üçün də seans etmək mümkündürmü?

Bəli, amma metoddan asılı olaraq yanaşma fərqlənə bilər. Məsələn, Reiki və Mələk Reikisi hamiləlik dövründə çox uyğundur. Theta Healing hamilələr və yeniyetmələr üçün uyğun şəkildə tətbiq oluna bilər. Regresiya isə bəzi hallarda ehtiyatla yanaşılmalıdır. Əvvəlcədən məlumat verməyiniz kifayətdir, uyğun yanaşmanı seçirik.

Günel Xıdırova

Şüuraltı terapevt Günel Xıdırova