Günel Xıdırova — ağrının içindən doğulan şəfa.

Mən Günel Xıdırova. Həyatın dərin ağrılarından doğulan və insanlara ruhlarının səsini tapmaqda bələdçilik edən bir şəfa bələdçisiyəm. Mənim üçün hər bir insanın içində unudulmuş güc var və mənim missiyam o gücü ortaya çıxarmaqdır.

Uzun illər boyunca insanların daxili dünyasını anlamaq və onlara kömək edərək yaşadım. Amma həyatımın ən ağır dönəmi 4 il əvvəl başladı anamı itirdim. O, yalnız anam deyildi, həm də mənim dayağım, yol göstəricim, ruhumun sakit səsi idi. Onun yoxluğu ilə içimdə böyük bir boşluq açıldı və hər şey mənasını itirdi. Lakin zamanla anladım ki, bu boşluq məni məhv etmək üçün deyil, əksinə, məni öz gerçək varlığımla tanış etmək üçün yaranmışdı.

O gündən sonra həyat mənim üçün sadəcə yaşamaq deyil, anlam axtarmaq oldu. Daxilimdə cavabsız suallar, yanımda isə cavab gözləyən övladlarım vardı və mən seçim etdim sınmaq əvəzinə qalxmağı, dağılmaq əvəzinə bütövləşməyi seçdim. İçimdəki ağrını bir azadlığa, bir xidmətə, bir şəfa yoluna çevirməyə qərar verdim.

Uşaqlıqdan bəri insanlara qarşı həssaslığım vardı. Susqun baxışların arxasındakı fırtınaları hiss edər, insanların deyə bilmədiklərini duyardım. Bu qabiliyyətim, illər sonra mənim həyat yoluma çevrildi. Anamın itkisi isə bu yolu tam aydınlaşdırdı məni bir ruh bələdçisinə çevirdi.

Turizm sahəsində aldığım təhsil, insanlarla əlaqə qurmaq və onların daxili dünyasını anlamaq bacarığımı inkişaf etdirdi. Lakin zamanla anladım ki, mənim yolum daha dərindir insanın ruhuna, şüuraltına toxunan, onu öz gerçək potensialı ilə tanış edən bir yoldur. Mən indi sadəcə danışmıram dinləyirəm. Sadəcə baxmıram görürəm. Sadəcə hiss etmirəm toxunuram.

Bu gün aldığım müxtəlif təlimlər sayəsində Theta Healing, Numerologiya, JAAS, Mələk Reikisi, Usui Reikisi, Kundalini Reikisi və Reqressiya seansları ilə insanların içindəki unudulmuş gücü xatırlatmağa çalışıram. Hər seans bir oyanışdır. Hər toxunuş bir şəfa. Hər nəfəs bir dönüşüm.

Bu yol asan deyil, amma mən inanıram ki, hər kəsin içində öz şəfa gücü var. Mən sadəcə o gücü tapmaqda yol göstərən bir bələdçiyəm. Əgər sən də daxilinlə bağlı daha çox şey kəşf etmək, ruhunun çağırışını dinləmək və həyatında dönüş yaratmaq istəyirsənsə, mən buradayam sənin yanındayam.

Birlikdə, keçmişin yükünü yüngülləşdirib, gələcəyə işıqla addımlayaq.