^{Neqativ enerji nədir və haradan gəlir?}

Enerji ilə qorunmaq: Neqativ enerjidən necə uzaq durmalı?

Biz gözlə görünməyən, amma daim hiss edilən bir aləmdə yaşayırıq. Hər insanın öz enerjisi var- düşüncələri, hissləri, keçmişi və ətrafı ilə formalaşan bir enerji sahəsi. Bəzən bir otağa girəndə dərhal narahatlıq hiss edirik, bəzən isə bir insanın yanında olmaq bizə sanki yüngüllük verir. Bu hal sadəcə duyğu deyil- bu, enerji qarşılıqlı təsiridir.

Enerji nədir və niyə bu qədər vacibdir?

Elm və ruhaniyyət bu nöqtədə birləşir: Kvant fizikasına görə, hər şey enerjidir. İnsan bədəni də daxil olmaqla, kainatda mövcud olan hər şey vibrasiya halındadır. Bu vibrasiyalar şəxsi enerji sahəmizi – auramızı formalaşdırır. Bizim əhvalımız, sağlamlığımız və ruh halımız bu sahənin vəziyyətindən asılı olaraq dəyişə bilər.

Məsələn:
Özünü səbəbsiz yorğun hiss edirsənsə
Bir insanla görüşdən sonra ağır enerji daşıyırsansa
Evində və ya işində gərgin atmosfer hiss olunursa
Bu, enerji sahəndə balanssızlıq olduğuna işarədir.

Neqativ enerji nədir və haradan gəlir?

Neqativ enerji - aşağı tezlikli, sıx və dağınıq vibrasiyalardır. Bu enerji, bizim daxili dünyamızla və xarici mühitlə qarşılıqlı təsirdə yaranır. O, görünməz olsa da, nəticələri çox realdır.

Başlıca mənbələri:
1. Daxili düşüncələr və inanclar
Özünü günahkar hiss etmək
Qorxu, qəzəb, utanc kimi emosiyalar
Öz dəyərini bilməmək
2. Ətraf mühit
Gərgin, konfliktli münasibətlər
Şəhər həyatı, informasiya kirliliyi
Kütləvi enerji yükləri (əmək kollektivləri, ailə dramları və s.)
3. Digər insanların enerjisi
Bəzən başqasının daşıdığı ağır enerji, bizim sahəyə daxil olur və ruhumuzda ağırlıq yaradır. Bu, xüsusilə empatik və həssas insanlar üçün daha çox baş verir.

Pozitiv enerji nədir və necə fərq yaradır?

Pozitiv enerji yüksək vibrasiya daşıyan, açıq və axıcı haldır. O, bizi daxildən işıqlandırır və ətrafımıza da yayılır. Sevgidən, minnətdarlıqdan, güvəndən və daxili sakitlikdən yaranır.

Pozitiv enerjiyə sahib olan insanlar:
Daha yaradıcı olurlar
Sağlamlıq və emosional balansda qalırlar
Ətrafdakılar üçün ilham qaynağına çevrilirlər

Bəs neqativ enerjidən necə qorunmaq olar?

1. Şəxsi enerji sahənin fərqinə var

Enerji sahəni hiss etmək və ona hörmətlə yanaşmaq - qorunmanın ilk addımıdır. Sən hər gün öz auranı “qapalı və qorunmuş” saxlamaq üçün niyyət edə bilərsən. Bu bir düşüncə deyil enerji kodudur.

Niyyət cümləsi:

“Mən bu gün yalnız saf, işıq dolu enerjilərə açığam. Qalan hər şeyi sevgi və işıqla azad edirəm.”

2. Fiziki və emosional təmizlik
Duzlu su ilə ayaq vanna (təmizləyici və torpaqlayıcı effekt verir)
Sadə nəfəs texnikası: 4 saniyə al – 4 saniyə saxla – 4 saniyə ver

3. Enerji seansları vasitəsilə dərin təmizləmə

Bəzən enerji sahəmizdə elə blokajlar olur ki, sadə texnikalar kifayət etmir. Bu zaman aşağıdakı seanslar güclü dəyişiklik yaradır:
Regresiya: Keçmişin təsirlərindən azad edir
Theta Healing: Şüuraltı inancları transformasiya edir
JAAS (Jean Adrienne tərəfindən yaradılıb): Şəxsi enerji kodlarını yenidən yazır
Reiki və Mələk Reiki: Yüksək tezlikli enerji ilə bədəni və ruhu balanslaşdırır

4. Daimi enerji baxımı bir vərdiş olmalıdır

Enerji baxımı təkcə bir problemi həll etmək üçün deyil, önləyici bir gücləndirmədir. Hər gün 10 dəqiqəlik sadə enerjitəmizliyi təcrübəsi belə, həyatına gözlə görünən fərqlər gətirə bilər.

Ən güclü qoruyucu nədir?

Sənin niyyətin və şüuraltın.

Əgər öz dəyərini qəbul edirsənsə, sərhədlərini qoruyursansa, kimə və nəyə “bəli” dediyinin fərqindəsənsə - sənin sahən güclü olur. Neqativ enerji sənin enerjik “qapılarından” keçə bilməz.

Nəticə: Sənin işığın sənin qalxandır

Bu dünya dualarla, enerjilərlə, qarşılıqlı təsirlərlə doludur. Amma unutma: ən güclü təsir daima sənin öz enerjindən doğur.

Öz enerjini tanı, onu sev, qoru və təmiz saxla. Sən işıqlı olmağa doğulmusansa- sənin ən gözəl silahın elə içindəki nurdur.

Ruhunuz sevgi ilə dolsun – Günel Xıdırova🦋